⚜️«АҚҚУЛАР ҰЙЫҚТАҒАНДА» ПОЭМАСЫ — ШОҚТЫҒЫ БИІК ТУЫНДЫ

Ақпан айының жиырма екінші жұлдызында қазақ әдебиетінің көрнекті тұлғасы, ақын М.Мақатаевтың «Аққулар ұйықтағанда» поэмасының желісі бойынша 5 «Ә» сынып оқушылары арнайы іс-шара өткізіп, қойылым қойды.

Іс-шараның басты мақсаты — поэманың негізгі кейіпкері ана бейнесі арқылы көл еркесі аққуға жасалған қиянаттың қайғылы оқиғаға ұғындыру себебін таныту, қоршаған орта заңдылықтарына қарсы келмеу қажеттігін нақты дәлелдермен түсіндіруге жету.

Оқушыларды ізгілікке, адамгершілікке, қоршаған ортаны қорғай білуге тәрбиелеуде ақын М.Мақатаев шығармаларының мәні ерекше. Сондықтан іс-шара ұйымдастырушылары поэмадағы құндылықтар көрінісіне айрықша тоқталған. Іс-шара соңында көрермендер ұйымдастырушыларға өз ризашылығын жеткізді.