Наурызнама аясында 23 наурыз – Тазару күні ретінде аталып өтеді. Бұл күн – тазалық пен жаңарудың, жаңа бастамалардың белгісі. №93 жалпы білім беретін мектебінде Тазару күніне орай 10 «А» сынып оқушылары мектеп кабинеттерінде тазалық жұмыстарын жүргізді. Оқушылар сынып бөлмелерін ретке келтіріп, тазалықтың маңыздылығын іс жүзінде көрсетті. Мұндай игі істер жас ұрпақты ұқыптылыққа, жауапкершілікке және қоршаған ортаны аялауға тәрбиелейді. Жаңару мен тазалық әрдайым серігіміз болсын!  Сынып

Наурыз мерекесі қарсаңында №93 жалпы білім беретін мектебінің жас ұстаздары ұлттық би ұсынады. Ұстаздар қазақтың ұлттық биін заманауи үлгіде орындап, көрермендерге көтеріңкі көңіл-күй сыйлады. Бұл бастама ұлттық өнерді жаңаша дәріптеуге және жастар арасында кеңінен насихаттауға бағытталды. Жас ұстаздардың белсенділігі мен шығармашылығы көпшілікке үлгі болып, ұлттық құндылықтарға деген қызығушылықты арттыра түсті.