БАЛАЛАР КІТАПХАНАСЫ 1 «Ә» сынып оқушылары «Шын жүректен кітап сыйла» челленджіне белсене қатысып, ерекше белсенділік танытты.  Шара барысында оқушылар бір-біріне кітап сыйлап, сынып ішінде өзара кітап алмасу ұйымдастырды. Бұл игі іс балалардың кітапқа деген қызығушылығын арттырып, достық қарым-қатынасты нығайта түсті. Кітап – рухани байлықтың көзі екенін түсінген жас оқырмандар осындай пайдалы бастамаларға әрдайым дайын! Сынып жетекшісі: Қ.Ж. Иманбекова

Бүгін мектебімізде Алматы қаласы Білім басқармасы және «AMANAT» партиясы жанындағы «Жастар Рухы» жастар қанаты ұйымдастыруымен «Чемпиондық рух» жобасы аясында жалпы жаттығу өткізілді. Аталған шараға 200-ге жуық оқушы қатысып, белсенділік танытты. Жаттығудың негізгі мақсаты – жастар арасында есірткіге қарсы иммунитет қалыптастыру, салауатты өмір салтын насихаттау және бұқаралық спортты дамыту. Осындай бастамалар алдағы уақытта да жалғасын табады!

«Балалар әдебиеті – рухани тәрбие бастауы» онкүндігі қарқынды өтуде. Онкүндік тұжырымдамасы аясында 2-сынып бүлдіршіндері бүгін «Менің сүйікті журналым» әлеміне саяхат жасады.  Оқушылар тек журнал оқып қана қоймай: Балалар басылымдарының тәрбиелік мәнін талқылады; Танымдық айдарлар арқылы ой-өрістерін кеңейтті; Оқуға деген құштарлықтарын көрсетті. Кітап пен журнал — баланың қиялын ұштайтын ең сенімді достар. Біздің мектепте әр баланың кітапқа деген махаббатын ояту маңызды міндет!

МЕКТЕП МАҚТАНЫШТАРЫ Жалпы білім беретін пәндер бойынша 5–6 сынып оқушыларына арналған республикалық олимпиаданың қалалық кезеңінде қазақ тілі мен әдебиеті пәнінен ерекше жетістікке жеткені үшін №93 жалпы білім беретін мектебінің 5 «А» сынып оқушысы Марат Амина марапатталды. Жетекшісі: Омарова Ш.З.

СЕЙСМОЖАТТЫҒУ 2026 жылдың 21 сәуір мектебімізде қауіпсіздікті қамтамасыз ету және төтенше жағдайларға дайындықты арттыру мақсатында сейсможаттығу өткізілді. Жаттығу барысында оқушылар мен мұғалімдерге жер сілкінісі кезінде дұрыс әрекет ету жолдары түсіндіріліп, эвакуациялау тәртібі практикалық түрде көрсетілді. Барлық қатысушылар белсенділік танытып, қауіпсіздік ережелерін сақтай отырып жаттығуға қатысты.