Жоспарға сәйкес мектебімізде объектілік сейсможаттығу өткізілді. Жаттығудың мақсаты – білім алушылар мен қызметкерлердің жер сілкінісі кезіндегі іс-әрекеттерін пысықтау, қауіпсіздік ережелерін сақтау дағдыларын қалыптастыру. Жаттығу барысында эвакуациялау жұмыстары ұйымдастырылып, барлық қатысушылар қауіпсіз аймаққа уақытылы шығарылды. Сонымен қатар, алғашқы медициналық көмек көрсету кезеңінде оқушылар шартты түрде аяқ жарақатын таңу және зардап шегушіге көмек көрсету тәсілдерін көрсетті.

№93 жалпы білім беретін мектебінің 11 «А» сынып оқушысы, «Алтын белгі» төсбелгісіне үміткер Ахметжанова Руана Ролановна «XXI ғасыр көшбасшысы» республикалық интеллектуалды жобасына қатысып, өз білімін жоғары деңгейде көрсетті. Аталған жоба «Хабар агенттігі» ұйымдастыруымен өткізіліп, еліміздің дарынды жастарын анықтауға бағытталған беделді білім бәйгелерінің бірі болып табылады. Руананың бұл жетістігі – табандылық пен үздіксіз еңбектің жемісі. Білім мен бәсекеге толы додада мектеп намысын