2025 жылдың 6 қазан күні №93 жалпы білім беретін мектебінің 11 «Ә» сыныбында «Адал Азамат» біртұтас тәрбие бағдарламасы аясында сынып сағаты өтті. Сынып жетекшісі: С.Д. Ташкенбаев

Ұстаздар күні және қарттар күніне орай Еңбек ардагері, Білім Беру ісінің үздігі, ҚР еңбек сіңірген ұстазы, орыс тілі мен әдебиеті пәнінің мұғалімі, мектебімізде 45 жыл еңбек еткен Измайлова Галина Федоровнаны ұстаздар күнімен мектеп ұжымы құттықтады. Ардагер ұстазымызға мықты денсаулық пен бейбіт күн тілейміз!

2025 жылдың 3 қазан күні №93 жалпы білім беретін мектебінде 11-сынып түлектерінің ұйымдастыруымен өткен Ұстаздар күніне арналған мерекелік кештен естелік суреттер.

2025 жылдың 3 қазан күні №93 жалпы білім беретін мектебінде 11-сынып түлектерінің ұйымдастыруымен Ұстаздар күніне арналған мерекелік кеш өтті.  Мерекелік шара барысында ұстаздарға деген алғыс пен құрмет сөздері айтылып, оқушылардың өнерлі де шабытты орындауларымен әсем әндер мен көңілді билер тарту етілді.  Бұл кеш ұстаздарға көтеріңкі көңіл-күй сыйлап, мектеп ұжымын бірлік пен жылы ықыласқа бөледі.

Білімнің шамшырағы, ұрпақтың жолбасшысы болған барлық ұстаздарға алғысымыз шексіз! “Алматы” телеарнасының журналисті Көлжігіт Аяулым Темірханқызы барша ұстаздарды кәсіби мерекелерімен құттықтап, ыстық ықыласын білдірді. “Ұстаз – мәңгілік мамандық. Сіздердің еңбектеріңіз – ел ертеңіне салынған берік іргетас. Ұстаздар күні құтты болсын!” Ұстаздарға құрмет – ұлтқа қызмет!

Қазақстандағы кәсіподақ қозғалысының 120 жылдығына арналған Алматы қаласы мұғалімдерінің қалалық спартакиадасында волейбол спорт түрінен жүлделі ІІІ орын иеленген №93 жалпы білім беретін мектебінің дене шынықтыру пәнінің мұғалімі Каскарауов Ершат Муратбекович марапатталды. Әріптесімізді жеңісімен құттықтаймыз!