"МЕКТЕБІМ - МЕЙІРІМ МЕКЕНІ" ТАҚЫРЫБЫНДАҒЫ САЛТАНАТТЫ ЖИЫН

1 қыркүйек Білім күні – барша халықтың, әсіресе балалардың көптен күткен мерекесі. 

Білім беру мекемелерінің педагогтары мен жетекшілері 1 қыркүйек күні мектеп қабырғаларын аттағалы тұрған оқушылар мен тәрбиеленушілерді қарсы алады, бұл күн тек атаулы мереке ғана емес, бұл біздің еліміздің болашағы болған қызу қайнаған, жауапты кезең бастамасы. Дәл осы күннен бастап алғашқы қоңырау үнімен бірге әр адам өмірінің жеке тұлға және азамат ретінде қалыптасу кезеңі басталады.

Атаулы мерекеге орай мектебімізде Білім күніне арналған алғашқы қоңырау салтанатты жиыны өтіп, жас бүлдіршіндер білім әлеміне қадам басты. Сонымен қатар, барлық сыныптарда «Мектебім – мейірім мекені» тақырыбында сынып сағаттары өтті.