«МЕКТЕП, АТА-АНА ЖӘНЕ БАЛА АРАСЫНДАҒЫ ЫНТЫМАҚТАСТЫҚ» тақырыбындағы ата-аналар жиналысы

2022 жылдың 27 қаңтар күні бастауыш сынып мұғалімі Халықұл Жаңылыс Тағабайқызы 4 «Ә» сынып ата-аналарымен «Мектеп, ата-ана және бала арасындағы ынтымақтастық» тақырыбында жаңа форматтағы жиналыс өткізді. 

Ата-аналар жиналысында мектеп пен ата-аналар арасындағы өзара қарым-қатынасты жетілдіру бойынша арнайы жаттығулар өткізілді. 

Жиналыста әлемнің екінші ұстазы әл-Фараби бабамыз «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» – деп айтып кеткендей, балалардың баянды болашақтары үшін педагогтар мен ата-аналардың күшін біріктіріп, өнегелі ұрпақ тәрбиелеу мақсаты алға қойылды.

Жиналыс соңында ата-аналар өздерінің тараптарынан әр түрлі ұсыныстар, пікірлер білдіріп және сұрақтар қойды.