⚜️«АШЫҚ АЛАҢ» ЖОБАСЫ АЯСЫНДА ПІКІРСАЙЫС ӨТТІ

Февраль айының он алтыншы жұлдызында Б.Ү.Өтегеннің және Ғ.Мэлсұлының ұйымдастыруымен «Ашық алаң» проект бойынша 9-сыныптар арасында «Бала құқығы: мәселелер мен шешімдер» тақырыбында пікірсайыс өтті.

Пікірсайысқа «Үкімет» және «Оппозиция» фракцияларынан құралған топтар атсалысты. Фракция көшбасшылары мен мүшелері бала құқығын қорғау конвенциясын негізге ала отырып, өзіндік ұстанымдарын қорғады.

Пікірсайыс барысында «Оппозиция» фракциясы еліміздегі бала құқығына қатысты өзекті мәселелерді дәлелді түрде жеткізе білді. Ал «Үкімет» фракциясының мүшелері аталған мәселелер төңірегінде кешенді жоспар ұсынып, шешімін табуға мүдделі екендігін жеткізді.

Пікірсайыс соңында екі фракция мүшелерінің ой-пікірлерін ескере отырып, үш бөлімнен тұратын қарар қабылданды.