"Директорлық сенбі – ата-ана үні"
«ДИРЕКТОРЛЫҚ СЕНБІ — АТА-АНАЛАР ҮНІ»
Онлайн кездесудің мақсаты:
Қашықтықтан оқыту кезіндегі
- Білім саласындағы жаңа технологиялар мен өзгерістермен таныстыру.
- Кәмелеттік жасқа толмаған балаларды тәрбиелеуде құқықбұзушылықтың алдын-алу жолдары бойынша оқуға құштар мектеп проект мен таныстыру . Оқушылардың кітап оқуға деген құштарлығын арттыру.
- Ата-аналар мен қарым-қатынаста педагогикалық көмек беру, қолдау көрсету.
Күн тәртібінің бірінші мәселесі бойынша: Оқушылардың функционалдық сауаттылығын дамыту жолындағы оқыту мен тәрбиелеудің жаңа әдіс-тәсілдерімен математика пәнінің мұғалімі: Қуанышбай Мұхаммедзаңғар Маратұлы мәлімет берді. Оқыту мен тәрбиелеу үнемі үздіксіз бірге жүретін процесс, сондықтан оқыта отырып тәрбиелеудің жас ұрпақ үшін маңызды екеніне ерекше тоқталды.
Күн тәртібінің екінші мәселесі бойынша: «Қашықтықтан оқыту кезіндегі тиімді педагогикалық технологиялар және COVID-19 короновирустық пандемияға байланысты түсіндіру жұмыстарын жүргізу» жөнінде директордың оқу-тәрбие ісі жөніндегі орынбасары-Д.Ш.Қалназарова ата-аналарға қазіргі уақытта білім алудың ілгері даму мүмкіндігінің зор тәсілдерінің бірі - қашықтықтан оқыту технологияларының тиімді жақтарын тілге тиек етті.
Күн тәртібінің үшінші мәселесі бойынша: Қазіргі таңда елімізде оқушы жастардың кітап оқымайтыны туралы жиі айтылатындығына, осы орайда Мемлекет басшысы Қасым-Жомарт Тоқаевтың тапсырмасы аясында ҚР Білім және ғылым министрлігі орта білім саласында «Оқуға құштар мектеп» проект н қолға алды. 5 жыл аралығында барлық мектеп кітапханаларында көркем әдебиетпен толықтыру көзделген. Қазіргі елдегі пандемияға байланысты мемлекет «Кітап аппликэйшн» қосымшасын дайындағанын да айтып өтті.
Күн тәртібінің төртінші мәселесі бойынша: Еліміздегі қазіргі жағдайға байланысты құқықбұзушылықтың алдын алуға байланысты мектепте мектеп инспекторы, сынып жетекшілер ата-аналармен бірлесе отырып арнайы онлайн кездесулер өткізіліп отырады. Отбасындағы ата-аналардың дұрыс қарым-қатынасы жастарды тәрбиелеуде маңызды орын алатыны айтылды және кәмелеттік жасқа толмаған баланың өмірі мен қауіпсіздігіне ата-анасы тікелей жауапты екенін ескертіп, арнайы баптармен таныстырып отырмыз.
Ата-аналардан артық сұрақтар болмады. Ата-аналар өздерін толғандырып жүрген барлық сұрақтарына жан-жақты жауаптар алғандықтан өздерінің ризашылықтарын білдірді.
Онлайн-кездесу нәтижелі, жемісті өтті!!!
