ШӘКІРТІМІЗ ӘЛЕМДІК ДОДАЛАРДА ТОП ЖАРДЫ

Мектебіміздің 5-сынып оқушысы Тұрсынхан Абылайхан Қырғызстан Республикасында өткен «Nitro CUP» балалардың спорт турнирінде II орынға, Қонаев қаласында ұйымдастырылған «Море футбола» спорттық жарысында II орынға және «Ең үздік қорғаушы» аталымына ие болды. Сонымен қатар, жас бүлдіршініміз Павлодар қаласында В.Ярышеваны еске алуға байланысты өткен турнирде және Нұр-Сұлтан қаласында ұйымдастырылған «AR 2022 CUP» халықаралық балалар турнирінде жүлделі III орынға ие болып, жеңіс тұғырынан көрінді. Ел намысын, мектеп мерейін асқақтатқан талапты шәкіртімізді шын жүректен құттықтаймыз!